Tèks #3 : Minwi
Je lalin nan byen klere. Pyebwa yo fin ajite, bon jan van tanmen soufle. San zabri yo blije koukouman kò yo anba seren an, li fè frèt. Baryè grannèg yo monte disèt wotè, fèy tòl kay malere yo menm prèske fin rache tonbe atè tèlman pye chat ak lòt kalte bèt ap fè laviwonn sou yo. Lougawou fin anpeche moun nan zòn lan dòmi. Lari a vid, katye yo sonb. Gen yon silans simityè k ap renye sou vil la.
Bridsoukou, gen yon bri lejè ki vin twouble klima kafou a. Li ta plis sanble ak yon chen k ap jape. Sa l do wè la a ?
⁃ Papa Bondje wo o, Sen Nikola wo !
Sa a se yon vwa maskilen san dout. Silwèt la rekonesab, yon tafyatè avanse ak on ti plat nan men l. Misye jete twa (3) kou kleren atè pandan l ap soryante. Selon tout evidans, asosye a ap mande pasaj. Kòm li fin ta, dwayen an blije entèpele mèt kafou pou wè si y a bal chans pou l antre lakay li.
Lè sa pa lè timoun. Moun ki an koup yo gentan sou plizyè pòz. Nan chanm gason yo « à l’instant même », gen yon seyans laponyèt ki apèn derape. Nèg ki te fè plan 12 goud yo disparèt nan ennbòks mwen pi rapid pase Flash. Mwen, m la m ap fè dènye lè a nan gade epi telechaje seri. Lèfini tou, se a lè sa a yo J-Tripotay lage videyo freestyle yo.
Sa klè, si m te sot kraze Sky FM jou a pou se mwen ki premye kòmante vidéo m. Bèw ! Telefòn mwen vibre. Ta sanble m gen mesaj. Je m apèn tonbe sou ti nyoud on lady voye banm. Nice! #tantasyonnètale.com. Bagay Samouraï nèt. Hmm ! A gwo epe !
Minwi se lè vèy de nwi. Se « momentum » prefere jamè dodo. Nan bitasyon yo, se moman pou yo sonnen ason. E a lè sa zak kanbriyolay ak asasinay posib. Si w pa gen ijans a minwi, lari pa pou ou ! Jwèt pou bann chanpwèl, ajan sekirite ak jeran lakou. Se lè pou mesyedam PNH Yo fè « rondes de nuit. »
Lapèmanans dekrete sou tout teritwa nasyonal la .
Al dòmi kreyati ! Li minwi !
Kwonik yon fristalè
@Apotheose 97
Tout dwa rezève©️