Actualités Pergola vers le numérique, MagHaiti en parle Actualités Pergolayiti, une Odyssée à peine entamée

[Eder Apollinaris Simphat]

Eder Apollinaris Simphat #3174

Anba latè pa gen diferans ant zananna ak pengwen

Tout moun melanje nan yon branch pwèl

Kiyès ou ye ?

Ou pa anyen

Moso plezi w vin chache, se antere ou vin antere tèt ou

Twou won san fon, kilòt chire vale nou tout

Gwo dag men longè ap file rantre tankou vè ditè

Epe ap voye adwat epe ap voye agòch

Dechay fè kenken.

Pa gen lanp, fènwa sèvi n limyè

Tout moun alamaskay

N ap gouye, n ap jemi

N ap tire epe, n ap lage dag

Twou tout kalte dimansyon ap vale n

Nou tout konekte nan yon sèl konsyans

Pa gen chen ak chat

[Zoe Tha Madafaka]

Zoe Tha Madafaka #3176

Li fènwa
Tout moun lanp lumen
Krèy la pral kòmanse
Pou jis bajou kase

Yon krèy san revèy
Yon krèy san manjèt fèy

Moun sou Moun
Moun ap manje moun moun

M nan yon kwen m ap gade
Sanble m kòmanse bande?

Moun pral debouboune
Moun pral deboudare

Ti dam sa ap banm je dou
Sanble l sou fè lanmou

Ebyen mezanmi m ap vini
Rès istwa a pou lè m vini.

[Pradley Vardly Vixama]

Pradley Vardly Vixama #3180

W ap rakonte yon istwa
Mwen ta byen renmen w rakonte m
Nou de a sèlman
Nan ti mòg lakay la!
W ap chante yon melodi
Ki fè eko nan pantalon m
Mwen ta byen renmen w chante l
Nan simityè lakay la…